جنت کے حسین لمحے

Tabassum

Add To collaction

جنت کے حسین لمحے

❤ جنت کے حسین لمحات ❤

جنت میں ابتدائی لمحات کتنے دلکش ہوں گے، جب ہم نہریں، محلات، جنتی پھل، خیمے، سونا، موتی اور ریشم دیکھیں گے

جب ہم اپنے اُن عزیز و اقارب سے ملاقات کریں گے، جو عرصہ دراز پہلے فوت ہو گئے تھے اور ہماری نگاہوں سے اوجھل تھے

جب نیکوکار بیٹا اپنے ماں باپ سے ملے گا

اور والدین اپنے ان بچوں سے ملاقات کریں گے، جو بچپن میں ہی فوت ہو گئے تھے

اور بھائی اپنے بھائی سے ملے گا، جو اس سے ملاقات کی خواہش رکھتا ہو گا

جب ہم مریض کو شفایاب دیکھیں گے

اندھے کو انکھیارا

غمگین کو مسرور

بوڑھے کو جوانی کی حالت میں دیکھیں گے

یونہی بڑھیا کو، کہ اُسے بھی حُسن لوٹا دیا گیا ہے

(اور کیسا حسین منظر ہو گا کہ) جب ہم انبیائے کرام علیہم السلام سے ملاقات کا شرف پائیں گے

صحابہ کرام رضوان الله علیہم کو سلام پیش کریں گے

اور جاگتی آنکھوں سے فرشتوں کو دیکھیں گے

پھر جب ہمیں نہرِ کوثر پر لے جایا جائے گا، تو وہاں ہمارے محبوب، حضرت محمد مصطفی صلی الله علیہ وسلم بنفسِ نفیس ہمارا استقبال کریں گے

اور ہمیں سونے کے برتنوں میں کوثر کے جام بھر بھر کر دیں گے ، جسے ایک بار پینے کے بعد کبھی پیاس نہیں لگے گیاور ہمیں بتایا جا رہا ہو گا کہ یہ ابو بکر صدیق رضی الله عنہ ہے

وہ (دیکھو) وہاں سے عمر رضی الله عنہ آ رہے ہیں

اور وہ باحیا (وباصفا) عثمان بن عفان رضی اللہ عنہ ہیں

اور یہ علی المرتضی رضی الله عنہ ہیں

اور ان کے پہلو میں نوجوانانِ جنت کے سردار (حسنینِ کریمین) رضی اللہ عنہم ہیں

اور جو اُس درخت کے نیچے ہیں وہ خالد بن ولید رضی الله عنہ ہیں

اور یہ کثیر الروایت صحابی، ابو ہریرہ رضی الله عنہ ہیں

اور ہمیں دور سے ایک بہت ہی پرسوز اور دلنشین آواز میں اذان سنائی دے گی، جب ہم اس کے قریب جائیں گے، تو اذان دینے والے حضرت بلال رضی الله عنہ ہوں گے

پھر ہم مزامیر کی مثل ایک میٹھی اور سریلی آواز سنیں گے، تو سب لوگ رب تعالیٰ کی وحدانیت و کبریائی بیان کرتے ہوئے صاحبِ آواز کے بارے میں پوچھیں گے، تو فوراً بتایا جائے گا کہ یہ اللہ کے جلیل القدر نبی داؤد علیہ السلام ہیں

(وہ کیسا نظارہ ہو گا کہ جن کے قصے ہم نے قرآن میں پڑھے، ان میں سے) وہاں اصحابِ اخدود کو دیکھیں گے

اہل کہف، اصحابِ سفینہ، آل فرعون اور اصحابِ قریہ کے مؤمن اور بادشاہ ذو القرنین کو بھی دیکھیں گے

(پھر) جب ہمیں ہمارا خالق و مالک جل جلالہ ارشاد فرمائے گا: اے جنتیو!!!

ہم عرض کریں گے: اے ہمارے رب! ہم تیری خدمت و بندگی میں حاضر ہیں.

الله تعالیٰ فرمائے گا: کیا تمہیں کسی اور چیز کی طلب ہے، جو میں تمہیں عطا کروں؟

ہم عرض کریں گے: اے ہمارے رب! ہم (اس سے بڑھ کر ) اور کیا مانگیں؟ کہ تو نے ہمارے چہروں کو روشن فرمایا، ہمیں جنت میں داخل کیا اور ہمیں جہنم سے نجات بخشی

پس الله عزوجل حجاب اٹھا دے گا (اور ہم دیدارِ الٰہی سے مشرف ہوں گے)

تب ہمیں پتہ چلے گا کہ جنت کی سب سے عظیم نعمت تو الله تعالیٰ کا دیدار ہے

جنت میں پہلا لمحہ،پہلی رات اور پہلی صبح کیسی (حسین و خوبصورت) ہو گی.یہ وہ جنت ہے، جس کے مستحق ہم محنت و کوشش سے بن سکتے ہیں ۔۔۔

Profile	Name	View
	Natash	View
	Aliya khan	View
	Niraj Pandey	View
	Swati chourasia	View
	Arshi khan	View
	Inayat	View
	Arman	View
	Pamela	View
	Marium	View
	Abhinav ji	View
	Sachin dev	View
	Muskan khan	View
	Haaya meer	View
	shahil khan	View
	Shalani sharma	View
	Zenab rehan	View
	Gunjan Kamal	View
	Simran Bhagat	View
	Raghuveer Sharma	View
	Renu	View
	Nobuhle Maseko	View
	सीताराम साहू 'निर्मल'	View
	डॉ. रामबली मिश्र	View
	Yusuf	View