جس میں کہ ضبطِ مستئی رندانہ چاہئے
سرمد کو ایسی حرمتِ بے جا نہ چاہیے
فصلِ بہار کا مزہ ساغر بنا نہیں
پہلو میں آج الفتِ جانانہ چاہیے
آباد دشتِ عشق ہو لیلیٰ کے فیض سے
مجنوں کو کائنات ہی ویرانہ چاہیے
تا چند حرفِ توبہ سے رسوا ہو مے کشی
پیماں کی خُو بھلا دے وہ پیمانہ چاہیے
بکھرا نصیب بھی یہ سنور جائے ساتھ ساتھ
زلفوں کو میری انگلیوں کا شانہ چاہیے
کیا حسنِ دو جہان خدا نے دیا تجھے
عاشق پہ لطف خاطرِ شکرانہ چاہیے
ہر بوالہوس وفا کا نہ دعویٰ کرے کہیں
جاناں جفا پرست و حریفانہ چاہیے
کامل جنوں وجودِ صنم مانگے ہے فقط
یاں تک کہ اپنے آپ سے بیگانہ چاہیے
ساقی نے رند کو مے پلا دی ہے عشق کی
زاہد تو کعبے جا مجھے میخانہ چاہیے
