भोजपुरी देवी गीत _ आवा माई मोर
भोजपुरी देवी गीत _ आवा माई मोर।
आवा आवा माई मोर,
सुना बुलावे बालक तोर,
जोर बढ़ल जाए बिपतियन के।
रात अनहरिया बा ना होेखे बिहान हो।
करा उपइया बालक बाड़े परीशान हो।
बालक करे पुकार, सुना माई हमार,
दुख भगावा अपार नरकियन के।
जोर बढ़ल जाए ..............।
छोड़ तोहके करी ना केहू पूजा पाठ हो।
रात दिन जपीला दे दा मोर साथ हो ।
तनी करा विचार, दे दा जिनगी सुधार,
सिर लटकल तलवार मुदइयन के।
जोर बढ़ल जाए........
दुनिया में बढ़ल शकती माई तोर हो।
करे सब भगती किरपा नाही छोर हो।
करी भगती तोहार विनती सुना हमार,
दुखवा घेरले हजार लईकयन के।
जोर बढ़ल जाए बिपतियन के।
गीत
श्याम कुंवर भारती
बोकारो, झारखंड मो.9955509286
Mohammed urooj khan
21-Oct-2023 11:31 AM
👌🏾👌🏾👌🏾👌🏾
Reply
madhura
20-Oct-2023 11:33 AM
V nice
Reply
Shashank मणि Yadava 'सनम'
20-Oct-2023 10:00 AM
खूबसूरत भाव और अभिव्यक्ति
Reply