भोजपुरी छठ गीत _ चला घाट पहुंचाय
भोजपुरी छठ गीत _ चला घाट पहुंचाय
संझवा के बेरिया देवर जी चला दौरा उठाय।
कांच ही बांस के बहंगिया चला घाट पहुंचाय।
गइया के दुधवा सुरुज देव अरघ हम देईब ।
कइके नमन सूरज देव आशीर्वाद हम लेईब ।
करा जनी देवर अब देरिया चला घाट पहुंचाय।
संझवा के बेरिया ............।
दुनिया में बाड़े सुरुज देव साक्षात एगो देवता।
उनका के मनावे खातिर देइब पान पर नेवता।
फेरीहे सुरुज देव हमरा पर नजरिया चला घाट पहुंचाय।
संझवा के बेरिया.................।
गंगा जी के घाट तिर लागल भीड़ भारी।
पूजी के सुरुज देव अरघ देवे दुनिया सारी।
बरत करी हम तोहार छठी मईया, चला घाट पहुंचाय।
सांझवा के बेरिया देवर जी चला दौरा उठाय।
गीत
श्याम कुंवर भारती
बोकारो,झारखंड
मो.9955509286
Gunjan Kamal
07-Nov-2023 10:16 PM
👌👏🙏🏻
Reply
Varsha_Upadhyay
05-Nov-2023 10:02 PM
Nice 👍🏼
Reply