رقص
عشق میں یہ وبال ہوتا ہے
روز جینا محال ہوتا ہے
یار کی یاد رقص کرتی ہے
کیا ہی عمدہ کمال ہوتا ہے
یار کے بارے کوئی پوچھے تو
چہرہ کس طرح لال ہوتا ہے
عشق میں جاں لٹانے والوں کا
ہجر ہی خود وصال ہوتا ہے
خود ہی چنتے ہیں راکھ اپنی مگر
روح میں اِک دھمال ہوتا ہے
عشق نے حال کیا بنا ڈالا
میرا ان سے سوال ہوتا ہے
ڈوب جاتے ہیں عشق زادے مگر
عشق تو لازوال ہوتا ہے
Babita patel
22-Mar-2024 08:43 AM
Nice
Reply
Mohammed urooj khan
16-Mar-2024 03:43 PM
👌🏾👌🏾👌🏾👌🏾
Reply