नीति-वचन-15
*नीति-वचन*-15
जे घर नारी नहिं सम्माना।
जानउ ऊ घर नरक समाना।।
बसहिं देव जहँ पूजन नारी।
कहहिं सास्त्र अस सोचि-बिचारी।
पापी कुल ऊ अधम समाजा।
जे रच्छहिं नहिं नारी-लाजा।।
नारी ममता,माता-मूरति।
कबहुँ न बिसरै माँ कै सूरति।।
माँ कै अँचरा स्वर्ग समाना।
मातु असीष असिष भगवाना।।
माता प्रथम सिसू-पठसाला।।
जननि रचै सिसु-चरित निराला।।
दुर्जोधन कीन्हा अपमाना।
दुर्गति भई तासु जग जाना।।
सीता-हरन कीन्ह जब रावन।
लंका जरी मरा कुल-लावन।।
जानउ नहिं नारी अब अबला।
परम प्रबीना नारी सबला ।।
सिच्छा-समर-ग्यान-बिग्याना।
निपुना-कुसला त्रिय-पहिचाना।।
नहिं अब अंतर नर-अरु नारी।
दुइनउँ सम-समान अधिकारी।।
गगन-मार्ग नभयान उड़ावहिं।
रिपुन्ह समर महँ धूरि चटावहिं।।
दोहा-अहहिं नारि अब दच्छ बहु,रखहु तिनहिं कै मान।
नाहिं त तोरिहैं ई सभें,सकल पुरुष-अभिमान।।
डॉ0हरि नाथ मिश्र
9919446372
Gunjan Kamal
30-Apr-2024 08:20 AM
बहुत खूब
Reply
Mohammed urooj khan
29-Apr-2024 01:28 PM
👌🏾👌🏾👌🏾👌🏾
Reply
Varsha_Upadhyay
27-Apr-2024 10:52 PM
Nice
Reply