Yaadgaar

Kisi Sarhak Ko Chaaoñ Dete Darakhtoñ Ki Manind the Ham Dono, Wo Darakht Jo Kabhi Sath Nhi The, Sarhak ke Ik Kinaare par tum thi or dusre par mai... Lekin Jese Jese waqt guzarta gaya ham Barhne lge or ik dusre ke Qarib aate Gye, hamari shaakheñ Hamari Pattiyañ ik dusre ke aaghosh mai aane lagi or phir Ik din Mil kar ham Raahgiroñ Ko Chaya Dene Lage, Sarhak thandi rehne lagi, phir yaha log theherte the, koi Sarhak ke Kinaare Beth kar apni zindagi ke Beete lamhe yaad kar ke Muskurata tha, to koi apne Mehbub ki tasveer ko dekh kar do aañsu bahata tha or kabhi koi apne Mehbub ke sath wo qeemti pal Guzaarta jo aage chal kar uski achi yaadeñ bante the, esi hazaaroñ kahaniyañ roz aati jaati thi unka roz guzar hota tha..kher dhup hame kabhi Kabhi Boht Sataya Karti thi Magar parindo ka aana jaana kabhi uska ahsas Nhi hone Deta Tha, jab parinde apna aashiyana Tayyar karte the hamari tehniyoñ par tb hame Jo sukun mayassar hota tha wo lafzoñ mai Bayañ nhi kiya jaa skta.