مشکل
مشکل
یہ بارِ الم اب اٹھانا ہے مشکل۔
انھیں اپنے دل سے بھلانا ہے مشکل۔
ہر اک بات پر وہ بگڑتے ہیں میری۔
انھیں حالِ دل بھی سنانا ہے مشکل۔
یقینً وہ جادوگری سے ہیں واقف۔
مگر دل ہمارا چرانا ہے مشکل۔
گلے سے لگائیں بھلا ان کو کیسے۔
نگاہیں بھی جن سے ملانا ہے مشکل۔
کہیں اور لے کر چلو مجھکو اب تم۔
یہاں مل کے کھانا کمانا ہے مشکل۔
جسے ساری دنیا نے کھوٹا کہا ہے۔
وہ سکّہ کہیں بھی چلانا ہے مشکل۔
طبیعت ہی ملتی نہیں جن سے اپنی۔
فراز ان سے رشتہ نبھانا ہے مشکل۔
سرفرازحسین فراز پیپلسانہ،مرادآباد۔
Seyad faizul murad
27-Mar-2022 10:36 AM
Waaahh
Reply