31-Mar-2022 لیکھنی کی کہانی -غزل
السلام علیکم دوستو
آج کا عنوان ضرورت کے تحت حاضر ہیں چند اشعار
اگر غموں کا اٹھانا بہت ضروری ہے
تو پھر یہ ہنسنا ہنسا نا بہت ضروری ہے
یہ حوصلوں کی کمی تھی کہ ڈر گئے ورنہ
غموں کا دور بھگانا بہت ضروری ہے
جو چاہتے ہو کہ جنت تمہیں سلام کرے
خفا ہو ماں تو منانا بہت ضروری ہے
اداسیوں کا سفر تنہا کٹ نہیں سکتا
ترا خیال بھی آنا بہت ضروری ہے
مسافروں کی دعا رائگاں نہیں جاتی
سڑک پہ پیڑ لگانا بہت ضروری ہے
فقط حکایت ہجر و وصال کب ہے غزل
غزل سے ذہن جگانا بہت ضروری ہے
ہوا میں اڑنے کے یہ خواب چھوڑیے راشد
زمیں پہ پیر جمانا بہت ضروری ہے
Fareha Sameen
02-Apr-2022 08:38 PM
👏👏👏
Reply
Seyad faizul murad
01-Apr-2022 08:26 AM
Waah
Reply
asma saba khwaj
31-Mar-2022 12:56 PM
Bhut khoob
Reply