Rafia Nausheen

Add To collaction

05-Apr-2022 کلام نوشین

                     غزل 


ہر خوشی مجھ سے کیوں بے وفا ہوگئی 
ایسی مجھ سے بھلا کیا خطا ہوگئی! 

 میں نے مانگا تھا اس کو خدا سے بہت 
آج مقبول میری دعا ہوگئی! 

 اس سے بچھڑی تو احساس ہونے لگا 
پھول سے جیسے خوشبو جدا ہو گئی! 

 یاد آتا نہیں وہ مجھے آج کل 
یاد بھی اس کی مجھ سے خفا ہو گئی! 

 حق کی آواز میں نے اٹھائی تھی جو 
آج وہ عورتوں کی صدا ہو گئی! 

گاۓ سے تھی نہ کچھ بھی عداوت میری 
اس کو پالا تو مجھ کو سزا ہوگئ! 

 راہ سیدھی بتائی جو نوشین نے 
راہ سیدھی وہ اب رہنما ہو گئی!  

رفیعہ نوشین - حیدرآباد دکن 

   5
4 Comments

Seyad faizul murad

09-Apr-2022 04:23 PM

بہت خوب

Reply

asma saba khwaj

05-Apr-2022 09:46 PM

Mashaallah

Reply

Faraz Faizi

05-Apr-2022 09:20 PM

Bohat umdah saheba

Reply

Rafia Nausheen

06-Apr-2022 05:05 AM

! شکریہ

Reply