07-Apr-2022 لیکھنی کی کہانی -
السلام علیکم احباب
آج بتاریخ 7 اپریل ٢٠٢٢
کو اوپن موضوع کے تحت
جنون غم کی مرے عظمتیں بڑھا جاو
جو ہوسکے تو اچانک ہی مسکرا جاو
یہ اونچ نیچ کے سب بام و در گرا جاو
نظام ایسا زمانے میں تم چلا جاو
بس ایک وعدہ الفت کو تم نبھا جاو
بہار بن کے مری زندگی میں آجاو
دلوں کے ساز پہ اک گیت ایسا گا جاو
اندھیرے بعض و عداوت کے تم مٹا جاو
وہ جن کی شاخوں پہ زہریلے ناگ رہتے ہوں
ہواؤں آو سب ایسے شجر گرا جاو
یہ کہہ رہی ہے نئ نسل اب بزرگوں سے
ضمیر وقت کو تقسیم سے بچا جاو
کسی بھی دور کی آندھی گرا نہیں سکتی
لہو سے شمع صداقت اگر جلا جاو
بدل سکو تو بدل دو نظام کو ورنہ
ندائے وقت کی آغوش میں سما جاو
اگرچہ بزم سخن امتحان ہے راشد
اب آگئے ہو تو تازہ غزل سنا جاو
asma saba khwaj
07-Apr-2022 11:25 AM
Bhut khoob
Reply
Dr Rashid hasanpuri
08-Apr-2022 11:21 PM
Thanks
Reply