07-May-2022-تحریری مقابلہ ہائے ہائے
۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔
آگ دل میں عشق کی پہلے جلائی ہائے ہائے
کر رہی ہے شوق سے اب بے وفائی ہائے ہائے
ذات تیری بے وفا ہے بے وفا ہے بے وفا
ہر طرف سے اک یہی آواز آئی ہائے ہائے
آشنا تھے جس سے پہلے جس میں تھی اپنائیت
چند دن میں ہوگئی اب وہ پرائی ہائے ہائے
ہم پکڑ کر چل رہے تھے جس کو ہر لمحہ کبھی
غیر کے اب ہاتھ میں ہے وہ کلائی ہائے ہائے
چاندنی آغوش میں جب چھپ گئی تھی اور کے
رات بھر پھر نیند آنکھوں میں نہ آئی ہائے ہائے
اب تلک باقاعدہ وہ رہ رہی تھی با حجاب
دیکھئے اسکی ذرا اب خود نمائی ہائے ہائے
سچ میں ہر اک شعر کاظم آپ کا ہے پرکشش
کیا ہی عمدہ سی غزل سب کو سنائی ہائے ہائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاظم شیرازی یوپی انڈیا
