17-May-2022 غیر عنوان -

Tausif Raza Razvi Official

Add To collaction

17-May-2022 غیر عنوان -

خراجِ عقیدت در بارگاہِ حضور مجدد الف ثانی شیخ احمد سرہندی رحمۃ اللّٰہ علیہ

،،،،،،،،،،،،،،،،،،،،،،،،،،

❣️🌹🌹❣️

عروج پر ہے مِرا مقدر چَلا میں سُوئے دیارِ احمد

مِری گنہگار آنکھ کو بھی نصیب ہوگا مزارِ احمد

میں ہوں گنہگار مانتا ہوں بہت بُرا ہوں میں جانتا ہوں

مگر گناہوں سے تو بڑا ہے نا فضلِ پروردگارِ احمد

مِرے مجدد کی شان وعظمت بیاں بھَلا کِس زبان سے ہو

عظیم ایسی ہے اُن کی ہستی کہ اُن کے دادا ہیں یارِ احمد

میں کیا کروں مجھ کو اچھی لگتی نہیں زمانے میں کوئی بھی شے

مجھے مِرے حال پر ہی رہنے دو میرا دل ہے نثارِ احمد

ہے میرے ہونٹوں پہ نام اُن کا ہے میرے دل میں مقام اُن کا

خدایا مدفن کے واسطے بھی تو مجھ کو دینا جوارِ احمد

چَلا میں سرہند کی زمیں کو ہو فضلِ مولا و فیضِ مرشد

ہے جس کی توصیفؔ غیر ممکن حَسین یوں ہے مزارِ احمد

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

✍️از۔ توصیف رضا رضوی باتھ اصلی سیتا مڑھی بِہار انڈیا

+91 9594346926