11-Jul-2022 غیر عنوان-

Tausif Raza Razvi Official

Add To collaction

11-Jul-2022 غیر عنوان-

خواب

،،،،

سُنو تو! آج کی شب میں نے دیکھا ہے کتنا اچھا خواب

میرے گلے میں ڈال کے بانہیں لپٹا ہوا تھا میرا خواب

کِتنے ہی غصے میں ہوں وہ، ہنس دیتی ہیں، جب میں کہتا ہوں

آخر مجھ سے کیوں روٹھا روٹھا ہے مِرا اکلوتا خواب

اِتنے جھوٹے خواب دِکھائے مجھ کو دنیا والوں نے

سَچّائی بھی سامنے آئی تو میں اس کو سمجھا خواب

سَچّائی چاہے جتنی بھی تلخ ہو سامنے رکھ دینا

یار کِسی کی آنکھ کو دِکھلانا نہ مگر تم جھوٹا خواب

آپ نہ جانے کِن آنکھوں کے خوابوں کی تعبیر ہوئے

رات کو چادر میں چھپ کے روتا ہے آپ کا اپنا خواب

اب بھی میری ویراں آنکھیں رو رو کر یہ کہتی ہیں

کاش کہ پورا ہو جاتا وہ میرا ایک ادھورا خواب

تم بھی نا توصیفؔ کہاں سے خواب کے پیچھے ہی پڑ گئے

بھول بھی جاؤ یار مِرے وہ خواب تو آخر ٹھہرا خواب

،،،،،،،،،،،،،،،،،،،،،،،

✍️از۔ توصیف رضا رضوی باتھ اصلی سیتا مڑھی بِہار انڈیا

+91 9594346926