नीति-वचन-17
नीति-वचन(चौपाइयाँ)-17
मधुर बोल अरु मधु मुस्काना।
सदा न सज्जन रह पहिचाना।।
तिलक-छाप अरु चंदन माथे।
गर रुद्राच्छ कमंडल हाथे।।
एकमात्र नहिं संत-निसानी।
कबहुँ-कबहुँ अस दुर्गुन-खानी।।
जहँ रह काँट पुष्प तहँ बिगसै।
दुर्दिन गाढ़ तेज-बल बिकसै।।
इस्वर-सत्ता कन-कन माहीं।
जे अस जानै संत कहाहीं।।
धन-घमंड,ग्यान-अभिमाना।
जानै नहिं महिमा-भगवाना।।
कपट-कुटिलता असुर-सुभावा।
कबहुँ न समुझै प्रभू-प्रभावा।।
बालक-सरल-अबोध-प्रवृत्ती।
कहहिं संत अस प्रभु कै वृत्ती।।
बिनु छल-कपट-दम्भ-अभिमाना।
बाल-सुभाउ बास भगवाना।।
दोहा-भ्रमित करै माया सबहिं,जदि नर नहीं सचेत।
ब्यर्थ जागरन होय जब,चिरई चुग गइ खेत।।
डॉ0हरि नाथ मिश्र
9919446372
Babita patel
01-May-2024 07:15 AM
Awesome
Reply