04-Jan-2022 زمانہ دیکھ رہا ہے میری قضا کے ہاتھ
زمانہ دیکھ رہا ہے مری قضا کے ہاتھ
ہے میرا چاک گریبان اک بلا کے ہاتھ
کسی کے پاس نہیں ہے اداسی کا مرہم
کسی کے پاس نہیں باخدا خدا کے ہاتھ
ہمارے ساتھ تعلق نبھانے والوں نے
ہمارے جسم کو نوچا بڑھا بڑھا کے ہاتھ
تمہارا عکس ہمیشہ اداس کرتا ہے
میں آج رو پڑا قرطاس پر بنا کے ہاتھ
ہوا کی سمت جگر تان کر کھڑے تھے ہم
چراغ ہم نے بچائے مگر جلا کے ہاتھ
حیات ان کے لیے سیج ہے گلابوں کی
کہ جن کی پشت پہ ہوتی ہے ماں اٹھا کے ہاتھ
ہمارا ہجر کوئ حادثہ نہیں تھا نور
ہمارے بیچ میں حائل ہوئے انا کے ہاتھ
نور تنہا
Nishat Gauhar
04-Jan-2022 08:33 PM
👏
Reply
Amir
04-Jan-2022 04:51 PM
nice
Reply