نسبت

قسم اٹھاکے کہو ناں کہ تم ہمارے ہو

نظر ملا کے کہو ناں کہ تم ہمارے ہو

تمہیں بتایا تو تھاناں! میں اونچا سنتا ہوں

قریب آکے کہو ناں کہ تم ہمارے ہو

ہمیں تو جانتے ہیں سب تمہاری نسبت سے

تو مسکرا کے کہو ناں کہ تم ہمارے ہو

ہمیں پتہ ہے،ٹھیک ہے، جان من پھر بھی

ذرا لجا کے کہو ناں کہ تم ہمارے ہو

تمہارے ہاتھوں کی مہندی تو جچ رہی ہے بہت

ہمیں دکھا کے کہو ناں کہ تم ہمارے ہو

تمہاری چوڑیاں بھی کتنی خوب صورت ہیں

ذرا بجا کے کہو ناں کہ تم ہمارے ہو

تمہارے سامنے کیا کام جلنے والوں کا

دیا بجھا کے کہو ناں کہ تم ہمارے ہو

ملن کی رات ہے فیضی وہ رُو برو بھی ہیں

غزل سنا کے کہو ناں کہ تم ہمارے ہو

آپ کا: فراز فیضی...Mob:. 9326187516